Ffôn: 01633 483321

Arddangosfeydd yn y Dyfodol

Leto & Ariadne

Leto & Ariadne

Arddangosfa Grefft

04 Awst 2018 tan 22 Medi 2018

Leto & Ariadne yw label stiwdio Nick Ozanne, sy'n gwehyddu â llaw gan weithio ar wyddiau pren. Cyflawnir pob rhan o'r broses â llaw yn y stiwdio, o'r dylunio cychwynnol a pharatoi'r ystof, hyd at y golchi terfynol a gorffen y ffabrigau â llaw. Mae Nick yn defnyddio ffibrau naturiol fel sidan a gwlân yn unig, gan eu bod yn cydweithio ag anghenion y corff ac yn gwella gydag oedran a defnydd. Y bwriad yw bod ei waith yn cael ei ddefnyddio: ei gyffwrdd, ei anwesu, ei fwytho, ac yn gorwedd yn erbyn y croen gan greu teimlad o feddalwch moethus. Mae'r darnau'n cyfuno arddull clasurol ag ymdeimlad dwfn o liw, ac yn ôl y disgrifiad o'i sgarffiau mewn erthygl yng Nghylchgrawn Selvedge, maent yn caniatáu i'r gwisgwr ‘ailgysylltu ag ymdeimlad o Seisnigrwydd a gollwyd’. 

 

 

Mae'r arddangosfa hon yn rhan o'r rhaglen MakersXchange a redir mewn cydweithrediad ag Urdd Crefftwyr Caerloyw.

Amanda Denison

Amanda Denison

Arddangosfa Gemwaith

04 Awst 2018 tan 22 Medi 2018

Mae Amanda Denison yn cael ei hysbrydoli a'i chyfareddu gan yr olion a adewir trwy ddirywiad a dadfeiliad, a gan y marciau a argraffir ar yr amgylchedd trefol. Mae'n cael ei denu gan elfennau ailadroddus sy'n gwyrdroi ac yn newid; mae ei diddordeb mewn patrwm a gweadau arwyneb yn cael ei drosi i'w gemwaith. Mae cefndir Amanda mewn celfyddyd gain yn dylanwadu ar ei dull o weithio: mae'n arlunio yn ei harwynebau enamlog sy'n dod yn gyfryngau ar gyfer archwilio a datblygu gwneud marciau.  

Mae pob darn yn unigryw oherwydd, er ei bod yn gallu ail-wneud y prosesau, mae elfen o siawns bob tro ac nid yw dau ddarn fyth yn union yr un fath.

Eighteen

Eighteen

Oriel 3

06 Hydref 2018 tan 17 Tachwedd 2018

Ymrestrodd bron hanner miliwn o ddynion yn ystod deufis cyntaf Y Rhyfel Mawr, ond gostyngodd y recriwtio’n ddramatig cyn hir a chyflwynwyd gorfodaeth filwrol yn Ionawr 1916. Roedd y rhan fwyaf o ddynion sengl rhwng 18 a 41 oed yn agored i gael eu galw i’r fyddin, ac erbyn diwedd y rhyfel roedd dros bum miliwn o ddynion ym Mhrydain wedi gwasanaethu. Canlyniad y “rhyfel i ddiweddu pob rhyfel” hwn oedd pedair blynedd o ymladd, miliynau wedi marw ac ailstrwythuro dramatig ar Ewrop. Rydym wedi comisiynu artistiaid cyfoes 18-41 oed i greu gwaith newydd mewn ymateb i’r Genhedlaeth Goll hon.

Suffrage

Suffrage

Textiles celebrating 100 years of women’s suffrage

Oriel Brif

06 Hydref 2018 tan 17 Tachwedd 2018

Arddangosfa sy'n canolbwyntio ar gelf tecstilau a mynegiant gwleidyddol i ddathlu Canmlwyddiant y Bleidlais i Fenywod. Yn gynnar yn yr 20fed ganrif, byddai menywod yn defnyddio'r sgiliau a ddysgwyd yn y cartref i leisio’u brwydr wleidyddol: drwy ffedogau, rhubanau a baneri, hyrwyddont eu galwad am bleidlais gyffredinol i gynulleidfa ehangach mewn ffordd weledol. Mae'r artistiaid cyfoes hyn yn parhau â'r traddodiad hwnnw gan fynegi syniadau radical trwy wleidyddoli'r cyffredin, herio a chwestiynu rôl menywod mewn cymdeithas, a thrwy amlygu anghydraddoldebau rhyw yn lleol ac yn fyd-eang. Morwenna Catt, Eleanor Edwardes, Caren Garfen, Rozanne Hawklsey, Sue Shields, Ruth Singer

Noddir yr arddangosfa hon gan “Gynllun Grant Canmlwyddiant y Bleidlais i Fenywod 2018” Llywodraeth Cymru.

 

Catalog Arlein