Arddangosfeydd Blaenorol

Rydym ar ben ein digon o gael croesawu Laura Thomas yn ôl. Mae'n artist, dylunydd, curadur ac yn addysgwr Cymreig sydd wedi cyfrannu, ac wedi curadu nifer o arddangosfeydd yng Nghanolfan Gelfyddydau Llantarnam Grange o'r blaen. Mae angerdd Laura dros wehyddu yn amlwg yn ei gwaith ei hun, a hefyd yn y ffordd mae'n eiriol dros ei chyd-wehyddion. Mae O Dan y Gorchudd yn arddangosfa o flancedi wedi'u gwehyddu cyfoes a guradwyd gan Laura ac sy'n cynnwys gwneuthurwyr o bob rhan o Gymru, y DU ac o bedwar ban byd.

Mae pump ar ddeg o raddedigion o brifysgolion ledled Cymru wedi'u cynnwys, yn 'Portal 2020', arddangosfa flynyddol o artistiaid cymhwysol sy'n dod i'r amlwg, a gynhelir yng Nghanolfan Gelfyddydau Llantarnam Grange.

Mae DFD yn dogfennu cyfnod yn hanes moduron yr Unol Daleithiau a nodweddwyd gan ymagwedd at ddylunio a steilio na fyddai'n talu llawer o sylw i gynilo tanwydd ac ymatal o ran dyluniad. Ar yr adeg hon, roedd y stiwdios dylunio yn Detroit yn ymdrin ag aerodynameg ddirnadwy, dylanwad dyluniad awyrennau a rocedi a nodweddwyd gan afiaith oedd weithiau'n feiddgar. Gweledigaethau o'r dyfodol a adlewyrchai'r cyfnod pan gawsant eu dychmygu. Mae'r delweddau yn y sioe hon yn troi o gylch y cyfnod rhwng diwedd y 1950au a chanol y 70au.

Bydd Terra Incognita yn arddangos darluniau gan y gwneuthurwr printiau o Gaerdydd, Pete Williams, a grëwyd mewn ymateb i nofel Arthur Machen, ‘The Three Imposters’. Mae cwmni cyhoeddi The Three Imposters wedi cynhyrchu cyhoeddiad newydd sy'n cyfuno'r darluniau â'r straeon erchyll o'r nofel a gyhoeddwyd yn gyntaf yn 1895. Mae'r nofel wedi'i strwythuro'n fras o gwmpas y ‘dyn ifanc â sbectol’ enigmatig a oedd yn ffoi trwy Lundain rhag asiantiaid y gŵr drygionus, Dr Lipsius, wedi iddo ddwyn y darn arian amhrisiadwy, Aur Tiberiws, yn anfwriadol. Bydd cyfle i brynu'r cyhoeddiad yn ystod yr arddangosfa.