Arddangosfeydd Blaenorol

Ar ôl astudio am radd mewn Gemwaith a Gofannu Arian yn Ysgol Emwaith Birmingham, symudodd Jodie i Lundain i fwrw ymlaen â'i breuddwydion. Treuliodd saith mlynedd yn gweithio i'r dylunydd gemwaith ffasiwn, Scott Wilson, gan greu casgliadau ar gyfer sioeau masnach yn cynnwys Wythnos Ffasiwn Llundain, a darnau comisiwn unigryw i gwmnïau ffasiwn blaenllaw a phobl enwog, yn cynnwys Pringle, Swarovski, Robbie Williams a Kylie.

Dychwelodd Jodie i Gaerdydd ac yn 2008 cychwynnodd ei busnes ei hun gan ymsefydlu mewn orielau a siopau ledled y DU gyda'i Chasgliadau Ribbon ac Equilateral.

Y Ribbon Collection yw ei hystod unigryw, a ysbrydolir gan yr ennyd pan fyddwch yn dadrolio rholyn o ruban satin, ac mae'n troelli ac yn dolennu, ac wrth i chi ei godi mae cwlwm yn ffurfio. Mae hi'n trin y metel i greu addurn gwisgadwy ysgafn sy'n edrych yn hardd o bob ongl.

Dros yr hanner can mlynedd o'i bodolaeth, mae Canolfan Gelfyddydau Llantarnam Grange wedi crynhoi casgliad parhaol o baentiadau, lluniau, printiau a chrefftau, yn cynnwys enghreifftiau gan lawer o artistiaid mwyaf dylanwadol ac arloesol Cymru. Mae'r arddangosfa fechan hon yng nghaffi’r Oriel yn cyflwyno detholiad o waith a roddwyd i'r casgliad gan Gymdeithas Gelfyddyd Gyfoes Cymru (CCGC).

Mae trawsnewid sŵomorffig, ble mae bodau dynol yn ymrithio yn anifeiliaid, wedi bod yn rhan o lên gwerin a chrefydd ers miloedd o flynyddoedd, o'r crwyn-gerddwyr brodorol Americanaidd, i dduwiau Eifftaidd, a chreaduriaid o straeon tylwyth teg Ewropeaidd. Mae'r croesrywiau hyn yn archwilio delweddaeth ffantasi a hud, ond hefyd y reddf anifeilaidd hanfodol sydd y tu ôl i'r holl natur ddynol. Mae'r gwaith yn yr arddangosfa hon yn archwilio'r hanner-byd rhwng dynion ac anifeiliaid trwy gerameg, tecstilau a phrintiadau.

Anthropomorphica, Eleanor Bartleman, Christie Brown, Adrian Higgins, Kerry Jameson, kealwork, Jackie Needham, Gladys Paulus, Zenna Tagney, Yannick Unfricht.

Fel artist tecstilau a phrint mae Penny Turnbull, sy'n byw yn Sir Fynwy, yn ymddiddori'n bennaf mewn collage a haenu gwedd a lliw i greu ei delwedd. Mae ei gwaith yn ymwneud â defnyddio peiriant gwnïo Embellisher sy'n caniatáu iddi gyfuno ffabrigau a lliw mewn ffordd arluniol, ac sy'n hwyluso cymysgu a darnio lliw i gynhyrchu cefndir diddorol ar gyfer datblygu ymhellach gyda phwythau.

Mae brodio rhydd â pheiriant gydag edau du yn creu ansawdd tebyg i fraslun a gaiff ei weithio ymhellach gyda gwaith gwnïo â llaw i ychwanegu manylder a symudiad.

Mae Penny yn gweithio o'i stiwdio yn Sir Fynwy.

Mae Amanda yn defnyddio amrywiaeth o ddefnyddiau yn ei gwaith, a chasglodd lawer o'r rhain pan oedd yn byw yn Llundain ble byddai'n chwilota yn y mwd ar flaendraeth yr afon Tafwys. Mae nawr yn byw yng Nghymru ac yn parhau i gasglu gwrthrychau hapgael o dirwedd Cymru, boed pren, gwydr, cerrig afon neu grochenwaith.

Caiff yr holl ddeunyddiau hyn eu rhwymo a'u gwnïo, eu cyfuno ag arian wedi'i ailgylchu, a'u cynnwys mewn darnau pwrpasol o emwaith sydd nid yn unig yn cysylltu â natur a'r dirwedd, ond sydd hefyd yn dweud stori'r cymunedau oedd yn byw o'n blaen ac olion eu bywydau a adawont ar eu hôl.